「煙醯胺」呢三個字，近幾年幾乎喺每一支美白或修護產品嘅成分表都會見到。佢其實就係維他命 B3 的一種衍生物，由於性質溫和、配搭性高，由乾性肌到油性肌都啱用，所以成為護膚界最多人用嘅活性成分之一。今次為大家由原理講到實際用法，一文睇懂煙醯胺點用先最有效。
煙醯胺係咩？由食物講起
維他命 B3 天然存在於花生、菇類、魚類等食物之中。相片來源：Wikimedia Commons，作者 NIAID，授權 CC BY 2.0。
維他命 B3 係人體必需嘅營養素之一，天然存在於花生、菇類、瘦肉等食物入面，同皮膚健康關係密切。喺護膚品入面，最常用嘅 form 係煙醯胺（Niacinamide），水溶性、性質穩定，唔似維他命 C 咁容易氧化，濃度由 2% 至 5% 都係常見嘅配方範圍，新手都容易入手。
煙醯胺三大護膚功能
一、提亮均勻膚色：煙醯胺有助減少黑色素由色素細胞轉移至表皮細胞，長時間使用可以令膚色更加均勻、改善暗沉冇光澤嘅感覺，係佢最受歡迎嘅功效。
二、強化皮膚屏障：煙醯胺可以促進神經醯胺同脂肪酸嘅生成，幫忙修護角質層。屏障健康咗，水分唔容易流失，皮膚自然冇咁容易乾燥同敏感。
三、平衡油脂、細緻毛孔：油性同混合性肌膚用含有煙醯胺嘅產品，可以幫助調節皮脂分泌，令毛孔外觀更加細緻，夏天用尤其舒服。
點用先最有效？
煙醯胺精華通常喺爽膚水之後、面霜之前使用。相片來源：Wikimedia Commons，作者 Shixart1985，授權 CC BY 2.0。
煙醯胺早晚都可以用，一般建議喺潔面、爽膚之後，取 2-3 滴或一粒珍珠份量均勻塗上面部，再疊加保濕面霜鎖住水分。如果你係第一次用，可以由低濃度開始，隔日使用，等皮膚適應之後先轉每日使用。煙醯胺同透明質酸、神經醯胺、傳明酸等成份都夾得嚟，亦可以同防曬叠加，日間記得最後一步落防曬。
邊啲人最啱用？
膚色暗沉、色素不均、油脂分泌旺盛、屏障薄弱容易乾燥敏感嘅人，都好適合由煙醯胺入手。由於佢性質溫和，多數膚質都可以長期使用；但如果你嘅皮膚正處於嚴重敏感或創傷狀態，建議先由醫生或專業人士評估再用。
想試吓？
想由煙醯胺開始，可以由 MC Derma 煙醯胺 B3 煥彩活力霜 100ml 入手，配方以煙醯胺配合檸檬萃取同牛油果滋養成份，質地柔潤，啱做日常提亮保濕嘅第一步。
想加強均勻膚色效果，可以每週搭配 Chronus 傳明酸奇蹟淨透煥亮面膜，傳明酸同菸鹼醯胺複合配方，集中護理暗啞同色斑問題；至於想針對性處理色素不均，MD Pro 專業淡斑美白霜 15g 亦係唔錯嘅局部護理選擇。
護膚從來冇捷徑，揀啱成份、持之以恆，皮膚自然會俾返答案。
Leave a Comment