買護膚品嘅時候，你有冇試過攞起支產品，反轉睇吓背面成分表？密密麻麻嘅化學名稱，好似外星文咁，睇兩行就頭痛放返低。其實成分表係每支護膚品嘅「身份證」，學識點樣解讀，你就可以一眼判斷產品係咪啱自己，唔再靠櫃姐或者廣告話你知。
一、INCI 名稱：國際通用嘅成份「真名」
香港市面上嘅護膚品，成分表大多採用 INCI 命名（International Nomenclature of Cosmetic Ingredients），即係國際化妝品成份命名系統。無論產品喺邊度生產，同一種成份都會用同一個名，方便全球對照。常見例子：Niacinamide＝煙醯胺、Sodium Hyaluronate＝透明質酸鈉、Centella Asiatica Extract＝積雪草萃取。見到長串英文字唔使怕，其實好多都係你聽過嘅熟悉成份。
二、排列順序＝濃度高低？
根據法規，成份必須由高濃度到低濃度排列。一般而言，排喺成分表頭三位嘅成份，通常佔整體配方 1% 以上，可以視為產品嘅「主打成份」。不過要留意：濃度高唔等於最有效，有啲活性成份（例如視黃醇）喺低濃度已經可以發揮作用，重點係配方整體是否平衡。
三、1% 分界線：點樣估成份濃度
成分表冇標明每種成份嘅實際濃度，但有一個業界常用嘅判斷方法：防腐劑同香料一般添加量唔超過 1%，所以當你見到某個成份排喺防腐劑（如 Phenoxyethanol 苯氧乙醇）或香料（Fragrance）之後，佢嘅濃度通常低於 1%。反之，排喺防腐劑之前嘅成份，濃度較高，值得多加留意。
四、點樣運用成分表揀產品？
敏感肌：避開高位置嘅酒精（Alcohol Denat.）、香料（Fragrance/Parfum），選擇成分表簡潔、含舒緩成份嘅產品。例如 Andre Dermés 1% 神經醯胺嬰兒肌鎮靜水光精華，以神經醯胺強化屏障，成分精簡温和。
暗沉膚色：留意排喺較前位置嘅美白活性成份，如 Tranexamic Acid 傳明酸、Niacinamide 煙醯胺。日常保養可以配合 Chronus 傳明酸奇蹟淨透煥亮面膜，每週二至三次集中護理。
泛紅不穩：積雪草（Centella Asiatica）係公認嘅舒緩成份，適合換季或者醫美術後使用，例如 La Suisse 外泌體積雪草奇蹟修護面膜，幫肌膚降温修護。
五、總結：做個精明嘅成分黨
睇成分表唔需要化學学位，只要記住三個原則：一、睇頭三位成份了解產品定位；二、用 1% 分界線估算活性成份濃度；三、根據自己膚質避開刺激性成份。下次買護膚品之前，花一分鐘反轉支產品睇吓，你會發現自己識得揀多咗。
Leave a Comment